簡單又複雜 - Bourgogne AOCs
上星期有個同學影咗張相俾我，標示Coteaux Bourguignons，問我係咩區。佢話好似係Bourgogne，但未見過哩個Subregion。依個其實係有關對Burgundy既AOC分級制度認知問題。好多同學都反映過，話唔係好識睇酒標，縱使讀完Level Two同Level Three。
Burgundy AOC system由Regional開始，然後Village / Commune，再上係Premier Cru，最高級別就係Grand Cru。系統可以完美地反映質素，價格。只要根據酒標appellations，理論上就可以揀到心儀既酒，無咩點錯。世界上並無任何一個酒產區既系統，可以做到同樣功能。
基本上學校教既，都係根據依套核心理論，非常簡單。但係點解同學依然咁多問題, 原因可能有兩個。
一) : Appellations太多，好多從來未見過，就算係Grand Crus，Villages既名，好多都未見過，亦未從係教科書出現。
二) : 海量既附加名稱。理解Burgundy，一定要有Climat依個概念。Burgundy將土地分成好多個plots，或者叫地塊，依啲地塊，就稱為Climat。每個Climat，都有自己名稱, 擁有各自各特性，包括地理位置, 泥土品種, 疏水度, 光照度, 當風度等等. 種出既提子, 釀成既酒, 風格亦會有別. 就係Climat, 令到成件事變得複雜, 因為有啲Climat個名，可以直接附加係相應酒標上面，感覺就好似有千千萬萬種唔同組合。
依篇Post既目的係，綜合我被問過既有關問題，舉多啲Appellations例子，同時解答一啲Burgundy既迷思。依個係知性品飲年代，課堂上既學既野，未必滿足到同學既需求。
____________________________________________________
Bourgogne 到底有幾多個 Appellations ? 不是746個嗎?
____________________________________________________
上面金字塔顯示，7 + 44 + 33 = 84
理論上係84個，分佈係，7個Regional AOCs，44個Village AOCs，33個Grand Cru AOCs。662個Premier Crus並未計算在內，因為屬於Additional Geographical Denominations，附加係相應Village AOCs。Premier Crus並無自己獨立規管，要跟從Village AOCs各自法則為依據。
下表顯示各級AOC數目，佔全區產量，及紅白酒分佈。以產量計，似一個金字塔型，數字可能因應每個Vintage條件，而有輕微分別。整體白酒量比紅酒多。Chardonnay種植area佔51%，而Pinot則佔近40%。
____________________________________________________
Additional Geographical Denomination 係咩?
____________________________________________________
字面意思，解釋為可以附加既地理名稱，包括較大範圍整個Communes，亦當然好多細範圍既Climats，目的係要突顯個別地方/葡萄園既較高質素，或者係風土既獨特性。
一共有4類AOCs可附加地理名稱。一) Bourgogne AOC，共有13個可附加的名稱，例如Bourgogne Chitry，Bourgogne Côte Saint-Jacques等等… 二) Mâcon可附加27個village names，但依然係Regional Level AOCs。三) 全個Burgundy有662個Premier Crus，可附加係相應既Village AOCs。四) 有兩個Grand Crus可附加名稱，分別係Chablis同Corton。但我見過有酒莊係Clos de Vougeot Grand Cru附加咗一個unofficial既Climat，似乎並無違法。
依個係另一個重要concept，但好易令人眼花撩亂，AOC System複雜既原因，就係太多依類，從未見過既附加名稱。
____________________________________________________
Coteaux Bourguignons 屬於那個 Subregion ?
____________________________________________________
不屬於任何Subregion，因為佢係Regional AOC，比Bourgogne AOC更加generic。點解咁講 ? 因為Bourgogne AOC downgraded既酒，都可以用哩個AOC。其它酒產區好少見到依種情況，係generic既appellations已經有階級之別。
____________________________________________________
Bourgogne 有幾多個Regional AOCs ?
____________________________________________________
共有7個，跟據地域，或者Wine Styles。分別為Bourgogne，Bourgogne Aligoté，Bourgogne Mousseux，Bourgogne Passe-Tout Grains，Coteaux Bourguignons，Crémant de Bourgogne，Mâcon。
__________________________________________________________
點樣分辦 Regional AOCs? Village AOCs? Premier Crus 同G rand Crus ?
__________________________________________________________
酒標上印有Bourgogne或Mâcon字眼便是了，除咗一個Coteaux Bourguignons，但唔難辨識。
酒標上面無Bourgogne, Mâcon，無Premier Cru, Grand Cru字樣，應該係Village Level AOCs。
Premier Cru同Grand Cru字樣都會出現係酒標。如果只有Premier Cru而無附加地理名稱，理論上提子係由區內Premier Crus混釀而成。而各Premier Cru AOCs亦要注明所屬既莊村名字，而Grand Cru則無需要標示嚟自那個村莊, 自己獨立名字加埋Grand Cru字眼，便可成為酒標。
____________________________________________________
Regional AOCs 包括既地域範一定大嗎 ?
____________________________________________________
唔同其它產區，Burgundy唔一定大。例如Bourgogne Passe-Tout Grains，涉及面積只有228 hectares，Coteaux Bourguignons亦唔多，理論上面積只有269 hectares。部份附加名稱Regional AOCs，例如Bourgogne Le Chapitre，更加只有5.25 hectares。
____________________________________________________
4 個 Subregions 有各自Regional AOC 嗎 ?
____________________________________________________
基本上有，Chablis AOC，Bourgogne Côte d’Or，Bourgogne Côte Chalonnaise，Mâcon。除咗Chablis AOC係Village Level，其餘三個都係Regional Level。
Bourgogne Côte d’Or認可範圍並不太，雖然係Regional AOC，總面積大概340 hectares。2017年被冠名，Côte de Beaune同Côte de Nuits加埋有40個Communes可用依個appellation，提升個別知名度唔高既Villages市場價值。
而Bourgogne Côte Chalonnaise稍大，包含44個communes。
____________________________________________________
真的只有 4 個 Subregions 嗎 ?
____________________________________________________
可以講平時見開嗰4個最為重要。Vins de Bourgogne將Subregions劃分咗6個。分別係，一) Chablis et Grand Auxerrois，二) Côte de Nuits et Hautes Côtes de Nuits，三) Côte de Beaune et Hautes Côtes de Beaune, 四) Côte Chalonnaise and Couchois, 五) Macônnais, 六) Châtillonnais.
Chablis，Grand Auxerrois同 Châtillonnais位處Burgundy最北面。Grand Auxerrois亦有自己Regional AOC，叫Bourgogne Côte d’Auxerre，區內有幾個村莊，升格成為獨立AOCs。Châtillonnais並無自己AOC，出產主要係Crémant de Bourgogne。
Couchois係Côte Chalonnaise西面，並無自己AOC。區內有5個Communes出產Bourgogne regional既紅白酒。
____________________________________________________
點解 Grand Cru Bonnes Mares 係兩個村莊同時出現 ?
____________________________________________________
Bonnes Mares橫跨兩個Villages，Chambolle-Musigny佔90%面積，而Morey-Saint-Denis只佔一成。
仲有好多其它例子，最出名係Grand Cru Montrachet，接近一半一半，被Puligny同Chassagne瓜分。
又例如兩個Grand Crus，Corton，Corton-Charlemagne被三個Villages，Aloxe-Corton，Ladoix，Pernand-Vergelesses共用。
____________________________________________________
Chablis 只有一個 Grand Cru 嗎 ?
____________________________________________________
Chablis看似有7個Grand Crus，但其實全部都係附加地理名詞，實際上係7個Climats。基本上全部同一個座向，風土只有微細差別，所以並無被獨立升格。仲有一個unofficial Climat叫Moutonne，係Monopole葡萄園，法例容許酒標寫上Moutonne Chablis Grand Cru。計埋這個，共有8個。
____________________________________________________
點解 Meursault 無 Grand Cru ?
____________________________________________________
依條問題，可以引伸為，出名Villages一定有Grand Cru嗎 ? 雖然無客觀答案，但情況同Volney一樣，因為區內葡萄園平均質素太高，無幾個係明顯stand out from the others。
另一個名村Nuits-Saint-Georges亦無Grand Cru，答案另文解釋。
據說有隱藏的村莊，真的嗎 ?
應該講緊Santenots哩個Commune，佢並唔係獨立AOC，但會係酒標出現。Santenots係Meursault境內，有數個Premier Crus同Volnay瓜分。如果係紅酒，酒標會顯示Volnay-Santenots AOC。如果生產白酒，則可以用Meursault-Santenots AOC !
____________________________________________________
Mâcon-Villages 係 Village Level AOC 嗎 ?
____________________________________________________
雖然叫Villages，但實際上係Regional既AOC。Mâcon + 附加地理名稱，亦係Regional Level。
____________________________________________________
點解有啲書將 Beaujolais 同 Burgundy 一齊講 ?
____________________________________________________
因為歷史因素。法國大革命前，Province of Bourgogne包括埋Beaujolais，整個酒產區，連埋Beaujolais，一共有5個主要Subregions，叫Grande Bourgogne (Great Burgundy)。
法國大革命後，法國政府取消Provinces，取而代之係Régions同Départements，Beaujolais被兩個Départements瓜分，行政上同Bourgogne從此分開，漸漸兩個區個別獨立發展。
但直到今時今日，仲有部份灰色地帶，將兩個地方連結一齊。例如Bourgogne Gamay AOC，需要最少有85% Gamay來自Beaujolais十個Crus，而Beaujolais種既Aligoté亦可釀造Bourgogne Aligoté (2035年將會廢除)。應該係咁原因，要同Beaujolais一齊講Burgundy。
AOC架構容易理解，但當中內容，細節太多，令到好多人都摸不著頭腦，這就是Burgundy。依篇Post只針對整個AOC架構去淺談，然而每個Regional，Village AOCs較為詳細既資料，會另外補充。