Bordeaux Left Bank Experience

🤩無人不曉的波爾多左岸🤩

波爾多左岸誰不愛，無論係新手葡萄酒愛好者定係老手飲家都一定品飲唔少左岸酒。至於點解呢?可能係波爾多左岸酒係所有產區中都相對出名😎。

🌟極具名氣：列級酒莊🌟

一講到波爾多左岸，就算唔飲都一定要提一提五大酒莊，分別係 Lafite，Latour，Margaux，Mouton 同埋 Haut-Brion，呢五大酒當中最多人識都莫過於係 Lafite ( 有冇人未睇過 “82年Lafite” 嘅 meme )，除左五大酒莊出名外，當然仲有同屬於1855年左岸列級酒莊分級制度下嘅另外56間列級酒莊啦 (今次唔逐一介紹)。

喺呢個分級制度入面，酒莊一共被分為五個等級：5間一級酒莊、14間二級酒莊、14間三級酒莊、10間四級酒莊同埋18間五級酒莊。 呢個1855分級制度係根據酒莊多年嚟嘅風土質量同埋知名度嚟進行等級劃分 。所以亦有飲家會依呢個分級表嚟品試波爾多左岸酒。

( btw 除咗1973年Mouton晉升為一級酒莊同Cantemerle喺分級結果後幾個月後先被加到五級酒莊，呢兩大事件外，個分級表就冇變動過 )。