4部曲學識睇香檳酒標
🥳 開party要氣氛好就當然唔少得香檳啦, 但就咁睇香檳酒標好似無乜資訊，怕最後揀錯唔啱自己口味嘅款式? 今日就用少少時間同大家拆解下香檳酒標! 🧐
🥂 Step 1: 甜度
香檳完成二次發酵後嘅糖份所餘無幾，為提高支酒嘅平衡同迎合不同人嘅口味， 酒莊會進行補糖嘅步驟。甜度一般都會標明；以下係幾個常見香檳甜度:
Extra Brut: 只有0-6g糖，非常不甜
Brut: 市面上最常見甜度，有0-12g糖，淨飲或佐餐都非常合適
Demi-Sec: 32-50g糖，明顯感受到甜味
🍾
🍾
🥂 Step 2: 提子品種 - 單一品種 VS 混釀
香檳區有7款法定提子，但最常見分別係 Chardonnay, Pinot Noir 及 Pinot Meunier。🍇 如酒標上未有特別寫明，多數都係哩三款提子混釀而成，比例由酒莊決定。
以下兩款則係較特別，只使用單一提子品種:
Blanc de Blancs: 直譯解「白中白」 ；只用白葡萄釀成，多數用Chardonnay。哩款香檳口味較清爽同高酸，蘋果同Citrus水果香氣特別突出。
Blanc de Noirs: 直譯解「黑中白」；只用黑葡萄 (去皮) 釀成，多數用Pinot Noir或Pinot Meunier。哩款香檳會較full body, 同帶紅果味重啲。
🍾
🥂 Step 3: 有年份VS 無年份
Non-Vintage (NV) : 無年份香檳通常混合不同年份、不同葡萄園嘅葡萄同埋不同年份基酒而釀成。NV香檳味道同風格基本上不變，以保持酒莊一致嘅House Style。年產量高而且多數每年都推出，NV適合趁早享用。
Vintage: 年份香檳會於酒標上特別註明年份，亦只有靚年先推出及只使用單一年份嘅葡萄。因此年份香檳嘅個性會較鮮明，可以感受到年份之間嘅差異。年份產量較少，但陳年潛力驚人。
🥂 Step 4: NM / RM
酒標上會係唔太起眼嘅地方印住 NM / RM / CM字眼，哩兩個字母都可以幫到你揀香檳架!
NM: Negociant Manipulant嘅簡寫，即代表大牌香檳酒廠，通常由大集團擁有。酒廠除自家葡萄園，仲會以各種渠道係區內購買提子再自行釀製香檳，產量好高，風味同品質保持穩定。
RM: Recoltant Manipulant 嘅簡寫，代表獨立酒農香檳。佢地擁有自己嘅葡萄園，從種植、釀製至裝瓶都係一手包辨。因此釀酒自由度較高，風格同味道都更多變化。產量較少但經常為飲家帶黎驚喜。
🍾
靠哩4部曲，揀香檳都輕輕鬆鬆啦!