【🍷唔識點買酒，唯有心中自有數🤔】
對於無飲酒習慣或者對酒無太多認識嘅朋友黎講揀酒嘅時候通常都係依靠酒嘅價錢💰＆外觀包裝✨。除此之外，查閱葡萄酒評分💯亦係一個比較客觀＆有效嘅方法去幫助唔熟酒嘅人篩選出心儀靚酒。但當你想依靠分數去揀酒嘅時候又會俾一堆 WA、RP、WE、JR 等等嘅英文字搞到頭暈眼花😵，唔知道係咩黎，亦唔知道可唔可信。今日 King’s Sir 就會同大家分享下有邊啲較高權威嘅葡萄酒評分，希望可以令唔熟酒嘅朋友少啲迷茫多啲信心❤️。
Robert Parker (RP) ＆ Wine Advocates (WA)：
首數最著名嘅葡萄酒評分一定非「RP」莫屬，「RP」來自於 Robert Parker 嘅縮寫，而 Robert Parker 係一位世界聞名嘅酒評家🍷，被世人稱之為「葡萄酒判官」＆「葡萄酒皇帝」等等。Robert Parker 為左令大眾可以輕鬆咁查閱分數從而得知葡萄酒嘅品質，所以採用令人最容易明白嘅100分制。久而久之，RP 成為世界最著名嘅葡萄酒評分標準。凡係 RP 分數高於90分或以上嘅酒款，其銷量同價錢就大大提高📈。相反，如果 RP 分數偏低嘅酒款，其市場銷量就會大跌📉，可見 RP 有決定酒莊生死嘅能力。
1975年之前，當時社會上缺乏紅酒專門資訊，而 Robert Parker 就創立左一本詳細介紹有關於紅酒資訊嘅雜誌📕「Wine Advocates」，簡稱為「WA」。由於 Robert Parker 無辦法獨自品嘗所有嘅葡萄酒，所以 WA 團隊入面嘅酒評家亦會幫忙品評葡萄酒，而評分就會以 WA 表示。時至今日「Wine Advocates」已經係全世界最熱門酒評之一。
每款 RP 或 WA 品嘗嘅葡萄酒會有50基本分，其餘50分會以4個因素組成，分別係顏色和外觀 (5 分)；香氣 (15 分)；風味和餘韻 (20 分) & 綜合評價及陳年潛力 (10 分)。將50基本分加上以上4個要素嘅得分便會得出以下總結：
Wine Enthusiast Magazine (WE)
於1988年創刊嘅 Wine Enthusiast Magazine，簡稱為「WE」 係一本涉及多個範疇嘅葡萄酒電子刊物，雜誌內容非常豐富同多元化， 例如包括葡萄酒🍷、烈酒🥃、美食🍝、旅游🧳以及娛樂等主題。WE酒評團隊每個都係葡萄酒界經驗資深嘅酒評家，而WE嘅酒評家分布世界各地。通常進行品評葡萄酒都會由一個人或者一組人負責，酒評會採用盲品評分或者根據業界相關規定進行評分，而被認為有缺陷或有異常的葡萄酒將會進行重新評分。WE 同WA、RP 分數只會在80－100分之間，不會有低分劣品次品級數嘅酒款，以下係 WE 嘅分數準則：
Wine Spectator (WS)
於1976年係美國創刊，暫時係全球發行量最多嘅葡萄酒刊物，一年會品嘗大約1.5萬款葡萄酒🍷，評審團會將葡萄酒按照品種、產區分類，再進行盲飲，每次評分 20-30 款酒（但每個人每日不得超過兩次）。 WS 都係採用100分制，每款酒都會有50基本分，總共分為以下層次：
Decanter雜誌(DE)
一本專門介紹葡萄酒及烈酒嘅英國雜誌，於1975年創刊，亦係世界上最大葡萄酒比賽 - 世界葡萄酒大賽(DWWA)🏆嘅主辦方。Decanter 每年會對葡萄酒進行評分，總共會有三位專業酒評家參與，而每輪三位酒評家都會單獨盲品8至10款酒，然後加以討論再為每枝酒進行評分，如發現某啲酒嘅分數相差太大，會重新進行評分，最終分數就會拎三位酒評家嘅平均分。
2012年之前，DE 係用星星代表葡萄酒嘅表現，星星數目愈多，即代表酒嘅表現愈好，總共分為5個級別：
到左2012年，DE 改為總分為20分制，但 DE 亦提供20分制兌換100分制嘅換算指標，以下係DE嘅葡萄酒評分等級：
Jancis Robinson (JR)
酒評「JR」來自於 Jancis Robinson 嘅縮寫，而 Jancis Robinson 係一位世界著名嘅葡萄酒書女作家，得獎作品有 “Vines, Grapes and Wines” 和 “The Oxford Companion to Wine”等等。Jancis Robinson 於1984年被授予「葡萄酒大師」（Master of Wine）嘅榮譽。另外，Jancis Robinson 認為品酒筆記 (Tasting Note) 很又悶又多字🗒️，唔適合一般大眾市民查閱，相反葡萄酒評分💯有利於大眾快速從眾多葡萄酒當中選出高 CP 值嘅葡萄酒🍷。Jancis Robinson 會品嘗不同葡萄酒而進行評分，並採用歐洲傳統20分制，以下係不同分數所代表的意思：
另外，如果分數後面有“+”或“++”代表個枝葡萄酒仲有好大潛力可以變得更好，如果帶有“-”表示呢款葡萄酒有缺陷，而其缺陷通常會寫入 Tasting Note。
今日 King’s Sir 就已經分享左一啲著名又有權威嘅葡萄酒評分💯，希望幫助到一啲唔熟酒嘅朋友除左依靠價錢同外觀之外，都可以查閱分數去揀選心目中嘅美酒🍷。想知道下個月 King’s Sir 品酒教室有咩分享，就記得緊貼住 King’s Wine Cellar 嘅 FB、IG & 網站啦！