迷思集🍷酒精與身體反應

迷思集酒精與身體反應 撰文：Roy Sir 编辑：PD Petti
引言今日想轉個話題唔講產區埍講酒類, 亦唔講食物配搭,講下坊間對醉酒、解酒、宿醉後身體反應嘅迷思。唔飲得就戒咗勒啦《The Sleeping Soldier》Gerard ter Borch ·1650 點解飲新世界既有酒會特別頭痛係咪因為添加太多二氧化硫飲回魂酒真係可以解宿醉嗎點解食咗榴槤唔可以飲酒? …
業界近年對種植，釀酒，極力倡議飲酒又何嘗唔係？認識身體對酒精既反應，點樣可以解酒 舒緩， 先可以「持續」飲多幾杯，唔好咁快斷片掃興，哈哈… 可持續性 迷患1 食咗榴槤 點解唔可以飲酒？ 唷！食咗榴槤的確唔好飲酒。要理解箇中原因，先要了解酒精喺身體嘅代謝過程。 酒精，或稱乙醇，會先由酵素「乙醇脫氫酶 Alcohol Dehydrogenase」簡稱 ADH，分解為乙醛。其後，再由另一種酵素「乙醛去氫酶 Acetaldehyde Dehydrogenase」簡寫為ALDH，分解為乙酸，最後分解為水同二氧化碳。乙醛係有毒物質，會引致酒醉、頭痛、噁心同嘔吐徵狀。 食過榴槤都知，佢嘅味道非常濃郁，原因係榴槤含有大量硫化合成物。依類濃郁大分子會抑制ALDH嘅活性，同埋減少ALDH嘅濃度，最終影響乙醛代謝成乙酸嘅速度。乙醛長時間逗留係身體，當然會加重身體嘅不良反應。 SUSTAINABILITY
迷思 2 《Still Life With Bottles》Claude Monet 二氧化硫 釀造葡萄酒過程會加入二氧化硫，功用在於抗氧化同殺菌。好多人飲完新世界酒都會覺得頭痛，而舊世界酒就無依個問題。一般人都會認為，新世界嘅酒含高劑量二氧化硫，所以係頭痛原因。真係引致頭痛根源嗎？葡萄酒二氧化硫含量去到50ppm（ppm = parts per million，50ppm代表50mg/L，每升酒含有50微克）已經足夠維持品質。相對坊間一啲醃製食物亦會用二氧化硫防腐，但濃度會高達4,000ppm，係葡萄酒嘅80倍！相信好多人都食過醃製產品，但絕少人會話因為咁而頭痛。
可能亦會有人質疑二氧化硫會引起過敏反應所以令人頭痛醫學界證實二氧化硫對人體所做成的過敏反應多數係呼吸道而非頭部所以二氧化硫會令人頭痛理論上應該唔成立。 飲酒頭痛原因包括脫水代謝毒物乙醛同血管擴張等因素人體有所謂「血腦屏障」（blood–brain barrier簡稱BBB）作用係防止有害物質直接或容易經血液進入腦部糖能夠降低BBB屏障作用令其它物質較容易進入腦部包括乙醛。 所謂新世界好多都係熱嘅產區做出嘅酒除咗酒精度高或多或少都會帶有殘餘糖份令人體BBB屏障作用下降乙醛因而容易大量上腦形成頭痛其實清酒亦有同樣特性容易令人頭痛因為清酒酒精度高糖份高會產生相同效果。 《Still Life with Glasses》Jan Jansz van de Velde 一幅畫作展示一隻玻璃杯和一些蟹類在昏暗的背景前。
迷思 3 啤酒可以解渴嗎？唔可以！大熱天時好多人都會將啤酒當做降溫解渴飲品。任我角度頭幾啖啤酒的確可以做到效果, 因為酒精未大量進入我哋身體。但經驗話俾我哋知, 飲大量啤酒會驅使人不斷去廁所。依種情況表示身體進入脫水狀態。原來乙醇酒精會抑制一種荷爾蒙「抗利尿素」 (Antidiuretic Hormone, 簡稱又係ADH) 嘅正常運作。所謂抗利尿, 字面解就係減少排出尿液, 從而保持身體水份。抗利尿素會促進腎臟對水份嘅再吸收, 保留足夠水份俾身體運作。如果抗利尿素失效, 身體就無辦法保留水份, 飲一杯酒, 可能要排放出三至四倍嘅尿液。身體缺水, 個個器官都會搶水用, 形成腦部缺水、緊縮, 會造成頭痛、口乾、疲倦等等徵狀。飲酒同時, 最好同時飲返多啲水份。
齋飲啊？？！！！4迷思飲酒前食啲嘢會唔好易醉？空肚飲酒會特別易醉。依個建議非常正確。無論脂肪、蛋白質或食物纖維，進入胃部就會增加胃壁分泌，減慢酒精吸收。大部份酒精會從胃部同小腸吸收，少部份亦會由口腔、食道直接進入我哋身體。另外，胃與小腸之間有所謂嘅「幽門括約肌」，依個不自主肌肉當胃部無啲消化嘅時候會呈開放狀態。所以點解空肚飲酒會好快飲醉？原因就係酒精好快進入我哋小腸，大量吸收。或者，一路食啲一路飲酒，慢慢飲，對於酒精嘅耐受性就會強好多。《Dans un café》Edgar Degas
點解「啤酒」較「烈酒」易醉？ / 5 / 啤一啤？ / 好多人有依種經驗啤酒好快上腦反而「烈酒」無事 / 圖片來源於網絡 / 由胃部連接小腸有所謂幽門括約肌，氣泡會加速括約肌嘅開放頻率，令酒精快速進入小腸並且吸收。反而身體遇到烈酒嘅時候，括約肌開放頻率變慢，所以飲純烈酒好耐都唔會醉。 / 除咗啤酒，所有含氣泡嘅液體都有依種作用，包括香檳、Highball、Chu Hi……所以，諗住補充水份，揀蘇打水並唔適合。
迷思 6 點解溝酒飲會易醉？理論上唔絕對，但有些情況下會易醉：特別係混合含氣泡嘅飲料。令人感覺到酒醉嘅係酒精總量。無論任何酒，乙醇結構都係一樣，所以並唔關乎咩酒溝咩酒嘅問題。但如果溝咗啲有氣泡嘅飲品，情況就可能唔同。之前講過，氣泡會令到連接胃部同小腸嘅幽門括約肌開放頻率增加。例如先飲烈酒，再飲氣泡酒，烈酒高濃度嘅酒精會加快進入小腸並且被吸收，身體酒精濃度就會飆高。依種情況就係所謂嘅「溝酒容易飲醉」。另外，甜酒理論上會令到血腦屏障（blood-brain barrier）作用下降，所以溝甜酒飲亦可能會較易醉。
《睡眠的女僕》迷 思 7 飲酒會幫助失眠？ 酒精對中樞神經有抑制作用,容易令人放鬆、昏昏入睡。但隨酒精隨住時間代謝,濃度減少,抑制作用亦會慢慢減退,就會容易扎醒,相信好多人有依個經驗。 酒精會破壞真正嘅睡眠周期,幫唔到我哋進入深層同所謂嘅「REM睡眠」（Rapid Eye Movement,急速眼球轉動）。深層、REM睡眠係身心調節極重要時段,缺乏時會令人記憶力減弱、學習能力減弱、精神情緒唔夠穩定。 所以酒精並唔係治療失眠嘅最好方法。長時間依賴酒精會惡性循環,對症下藥先係最重要。
酒醉後頭痛可以食止痛藥嗎🏙可以但要小心選擇止痛藥如果含有乙酰胺酚 Acetaminophen 同酒精混合會有機會損害肝臟。🏙 迷思 <img alt="Jean Léon Henri Gouweloos《Woman in the Café》"> 酒醉後唔夠精神可以飲咖啡提神嗎בדיקות可以。但 同時 有幾樣嘢 要注意： - 第一，咖啡 或 濃茶 並唔會加速酒精分解，所以並唔可以消除醉酒頭痛。 - 第二，如果醉酒而感到腸胃不適，飲咖啡並唔太適合，原因係 咖啡 亦會刺激腸胃。 - 第三，咖啡亦有利尿作用，飲大量咖啡導致更多水份排放，加埋酒精脫水作用，身體缺水情況會加劇，增加頭痛、疲倦感覺。
坊間流傳: 消除宿醉徵狀方法, 就係飲多一杯酒, 會令到個人快啲清醒, 減少頭痛、噁心, 「召回靈魂」。 「回魂酒」真係有效嗎? 當中理論係, 額外吸收酒精會再刺激身體分泌酒精代謝酶, 例如ADH、ALDH, 從而加快乙醇、乙醛分解。 但係, 依個方法係醫學界唔太認同, 普遍認為吸收更多酒精反而會增加身體負擔。 最直接嘅方法都係飲返大量水份, 身體水份達到平衡之後, 宿醉徵狀自然會慢慢消除。 思迷 10 威廉・阿道夫・布格羅 (William Adolphe Bouguereau) 作品《水泉邊》(At the Fountain)。
11 外國人酒量較東方人好 簡直荒謬 歐洲人平均每年消耗純酒精量為9.5升，數字最高嘅國家係捷克，達14.3升；亞洲國家例如日本7.38升，而韓國則稍高，達7.7升。咁樣睇，外國人耗酒量的確較多。從生物學角度，外國人體內嘅酒精代謝酶一般較東方人為高，所以乙醇、乙醛分解會夠快夠多，酒量好理所當然。 其次喺生活文化上，歐洲係傳統釀酒大國，一般人從細就會接觸酒類，係生活不可或缺嘅部份。身體經常吸收酒精，日積月累，連帶對酒精嘅耐受性亦增強。 不過依啲都係理論解釋。韓國係1996年曾經佔據全世界酒精消耗量嘅第二位，達14.4升，比捷克還要高！依啲數據，又用咩觀點去解釋東方人較外國人酒量好？
「飲酒面紅好啲、定係面青好啲？ 都唔係太好！」 乙醇係體內會代謝為乙醛，如果酒精吸收太快，或者酵素「乙醛去氫酶」並唔活躍，乙醛濃度就會飆高，引致血管擴張，形成面紅。依個時候應該減慢速度，多飲水、多佐食，就會減輕面紅程度，身體負荷無咁大。 面青基本上較為少見。主要成因係身體快速吸收過量酒精，令血管擴張，隨後身體局部地方血液供應不足，面部血液唔夠，形成面青，反映循環系統並唔太理想。同面紅情況一樣，應該減慢飲酒速度，飲返多啲水份，等身體慢慢調整。 總結：最有效預防醉酒的方法。
綜合各點 最有效預防醉酒嘅方法係 同時進食慢速飲大量水份唔好濲氣泡等身體吸收酒精嘅速度濃度變慢自然耐受性會增加持續性較長 當然唔好相信有「千杯不醉」嘅概念 古人所講嘅「千杯不醉」我相信係用誇大手法表達一個人有好酒量嘅意思 以前釀酒技術無今日咁先進好多步驟未必掌控得好製成品嘅酒精度未必一定好高所以飲好多都未必有醉意 適當飲酒長飲長有

Leave a comment

This site is protected by hCaptcha and the hCaptcha Privacy Policy and Terms of Service apply.

Back to Roy Sir 教室🧑🏻‍🏫