【🆕新品入荷 : Egon Müller 最狂熱的粉絲 - Weingut Vollenweider】
Daniel Vollenweider，一位瑞士人，本身係一個測量工程師，但飲過1990年嘅Egon Müller Scharzhofberg Auslese之後深受震撼，決定放棄穩定嘅工作，全心全意投入學習葡萄種植同釀酒知識。目標成為好似 Egon Müller 咁樣嘅著名葡萄酒生產者。
同其他半途出家釀酒嘅故事唔同，Daniel 並沒有太多嘅資金去支撐佢嘅任性，所以只能尋找無人問津，地價又平嘅葡萄園 ，兼且園內大小事務都要自己親力親為。
皇天不負有心人，佢發掘咗兩塊佈滿80至100年未嫁接老藤嘅葡萄園，Goldgrube 同 Schimbock，運用呢兩塊老藤，展現出非凡嘅釀酒技藝。
Daniel Vollenweider 嘅葡萄酒風格獨特，甜白酒典雅而刁鑽，乾白酒犀利而瀟灑，令佢喺國際間備受肯定。雖然佢唔依賴德國市場，但佢嘅酒款卻被德國評協 G&M 評為四串葡萄 ( 最高為五串)。就係咁，兩塊毫不起眼嘅葡萄園，硬生生比 Daniel 打造成 Mosel 名園之一。
更重要係佢嘅價格，深受肯定嘅 Vollenweider 同其他 Mosel 酒莊比較之下，竟然仲可以平出一大截。
Weingut Vollenweider 嘅葡萄酒就好似將瑞士工藝同德國生產嘅完美結合，簡單而純粹，品質卓越但價格合理。佢係一位真正嘅葡萄酒藝術家，用獨特嘅方式重新定義咗Riesling嘅世界。